Habari

RAIS SAMIA AZUNGUMZA NA WAFANYABIASHARA JIJINI INSTABUL

 

 

      Rais wa Jamhuri ya Muungano wa Tanzania Mhe. Samia Suluhu Hassan akizungumza na Wafanyabiashara na Wawekezaji katika Jukwaa la Wafanyabiashara wa Tanzania na Uturuki lililofanyika Jijini Istanbul tarehe 19 Aprili, 2024.

 

MSAKO WA MAMBA WAFANYIKA WILAYANI RUFIJI

        Kufuatia changamoto ya wanyama wakali ikiwemo mamba  katika baadhi ya maeneo ya makazi ya watu pamoja na mashamba yaliyokumbwa na mafuriko Wilayani Rufiji Mkoani Pwani,  Mamlaka ya Usimamizi wa Wanyamapori Tanzania TAWA imeanza msako mkali katika mito na mabwawa dhidi ya wanyama hao ili kuwawezesha wananchi kuendelea kufanya shughuli zao

RC MAKONDA AKAGUA MAANDALIZI YA MEI MOSI

      Mkuu wa Mkoa wa Arusha Mhe. Paul Christian Makonda, ametembelea na kukagua maendeleo ya marekebisho ya Uwanja wa Sheikh Amri Abeid Mjini Arusha, ikiwa ni Maandalizi ya Maadhimisho ya Sikukuu ya Wafanyakazi Duniani, inayotarajiwa kufanyika Tarehe 01.05. 2024.

     Mgeni wa Heshima katika Maadhimisho hayo anatarajiwa kuwa Rais wa Jamhuri ya Muungano wa Tanzania Mhe. Dkt. Samia Suluhu Hassan.

ZBC YAADHIMISHA KUTIMIA MIAKA 11 YA UTENDAJI TANGU KUANZISHWA KWAKE

Waziri wa Habari,Vijana,Utamaduni na Michezo, Mhe.

TANZANIA BADO HAIKO TAYARI KUTOA URAIA PACHA

    Serikali ya Jamhuri ya Muungano wa Tanzania imesema bado haiko tayari kuwa na utaratibu wa kutoa Uraia Pacha badala yake iko katika hatua za Mwisho kukamilisha utoaji wa Hadhi maalum kwa Raia wa Nchi nyingine wenye Asili ya Tanzania ili kuchangia ipasavyo katika Maendeleo ya Taifa.

    Naibu Waziri wa Mambo ya Nje ya Ushirikiano wa Afrika Mashariki Balozi Mbarouk Nassor Mbarouk, ameyasema hayo Jijini Dodoma wakati   akizungumza na Waandishi wa Habari kuhusu mafaniko ya Wizara hiyo katika kipindi cha Miaka 60 ya Muungano Tanganyika na Zanzibar.

MVUA KUBWA KUENDELEA KUNYESHA HADI MWISHO MWA MWEZI APRIL

     Mamlaka ya Hali ya Hewa Tanzaniaa TMA imesema kipindi cha Mvua kubwa kinatarajiwa kuendelea hadi Mwisho wa Mwezi huu huku ikiwataka Wananchi kuendelea kuchukua tahadhari dhidi ya Mvua hizo.

   Akizungumza na ZBC Mchambuzi wa Hali ya hewa kutoka Mamlaka ya Hali ya Hewa Tanzania (TMA) Bi.Rose Senyangwa amesema Mvua hizo zinatarajiwa kupungua kuanzia Mwanzoni mwa Mwezi Mei Mwaka huu.

IDADI KUBWA YA MADARAJA YAATHIRIKA KUTOKANA NA MVUA ZINAZOENDELEA

     Mvua zinazoendelea kunyesha Maeneo mbalimbali ya Mkoa wa Kilimanjaro kuanzia Mwishoni mwa  Mwezi March zimesababisha kuathirika kwa Miundombinu ya Barabara pamoja na Madaraja 9 kutoka Maeneo mbalimbali ya Mkoa wa Kilimanjaro .

ZIPA NA SINGAPORE KUIMARISHA UWEKEZAJI

    Mamlaka ya Kukuza Uwekezaji Zanzibar Zipa imekutana na Balozi wa Singapore Nchini Tanzania Balozi Douglas Foo aliefika kwa ajili ya  kujitambusha.

    Akizungumza na Balozi huyo Mkurugenzi mipango na utafiti Mamlaka ya kukuza Uwekezaji Alhaji Mtumwa Jecha amesema hatua hiyo itafungua fursa za uwekezaji Zanzibar kutoka Nchini  Singapore, ukizingatia Nchi zote ni za Visiwa

SEREKALI KUDHIBITI MIANYA YA RUSHWA NA KUONGEZA UWAJIBIKAJI.

    Waziri Mkuu wa Jamuhuri ya Muungano wa Tanzania Mhe Kassim Majaliwa amesema mafanikio makubwa yatapatikana katika kudhibiti mianya ya Rushwa na kuongeza kasi ya Uwajibikaji endapo Wataalamu wa Kamati za kuchunguza hesabu za Serikali za Mabunge ya Sadcopac zitatekeleza ipasavyo.

   Akifunga Mafunzo hayo Mhe. Majaliwa amesema ili lengo la Mafunzo hayo yaweze kufikiwa ni vyema kwa  Washiriki hao kuhakikisha wanaleta mabadiliko katika Taasisi zao na kudhibiti Rushwa na kusimamia haki na uwajibikaji ili kuimarisha  Utawala bora.

RAIS SAMIA ATUKUNUKIWA SHAHADA YA HESHIMA UDAKTARI

    Rais wa Jamhuri ya Muungano wa Tanzania Dkt.Samia Suluhu Hassan ametunukiwa Shahada ya Heshima ya Udaktari ya Uchumi kutoka Chuo Kikuu cha Ankara Nchini Uturuki.

     Rais Dkt.Samia ametunikiwa Shahada hiyo na Mkuu wa Chuo Kikuu Ankara cha Nchini Uturuki na Profesa Necdet Unuvar kwenye hafla iliyofanyika Chuoni hapo ambapo Rais Samia yupo katika Ziara kazi ya Siku Tano Nchini humo.

Subscribe to Habari
 
The subscriber's email address.
Stay informed - subscribe to our newsletter.