Mabingwa wa Ligi kuu ya NBC Tanzania Bara   Young Africa  wamesema ujio wa Ujumbe wa  Klabu ya TP Mazembe kuja kujifunza kwao kutaleta heshima  katika Klabu hiyo.

Viongozi wa Klabu ya Yanga wamesema  ni heshima kubwa kwa Klabu hiyo kutoka Congo kuja kujifunza kwao mambo mbali mbali ikiwemo masuala ya Uongozi na namna ya kuendesha Klabu hiyo kupitia Wanachama.

Kiongozi wa Ujumbe huo kutoka Klabuya TP Mazembe amesema wamevutiwa na mafanikio makubwa ya Klabu hiyo hivyo ujio wao utasaidia kuleta  tija katika Klabu yao.

     Makamu wa Rais wa Jamhuri ya Muungano wa Tanzania Mhe. Dkt. Philip Mpango amesema Tanzania inatambua michezo ya majeshi ni nguvu kubwa ya kidiplomasia inayovuka mipaka na kuimarisha uhusiano baina ya mataifa Duniani.

      Yanga Sc yatwaa ubingwa wa NBC Premier League kwa mwaka 2023/24 wakiwa wamebakisha mechi tatu ili kukamilisha ratiba ya Ligi kuu

       Hii ni kutokana na matokeo waliyopata leo dhidi ya Mtibwa Sugar ambapo inafanya wafikie pointi 71 ambazo haziwezi kufikiwa na timu yoyote kati ya zilizo chini yao katika msimamo wa ligi kuu

      FT: Mtibwa Sugar 1⃣-3⃣ Yanga Sc

      Huu ni ubingwa wao wa tatu mfululizo na ni wa 30 kwao kwenye ligi kuu Tanzania Bara.

    Real Madrid imefanikiwa kutwaa ubingwa wa Ligi Kuu ya Uhispania (LaLiga) ikiwa imesaliwa na michezo minne mkononi baada ya kushinda magoli 3-0 dhidi ya Cadiz.

   Baada ya Madrid kutangazwa mabingwa wa La Liga nafasi ya pili inashikwa na Girona FC yenye alama 74 huku nafasi ya tatu ikishikwa na Barcelona yenye alama 73, timu zote zikiwa zimecheza michezo 34.

     Waziri wa Habari, Vijana, Utamaduni na Michezo Mhe.Tabia Maulid Mwita amesema Serikali ina mpango wa kuimarisha miundo mbinu ya Michezo kwa kujenga Vituo vya Michezo Academy kwa kila Mkoa Unguja na Pemba.

    Waziri Tabia ametoa kauli hiyo, wakati akiwaaga Wachezaji na Viongozi wa Timu ya Wasichana ya Zanzibar Spark, inayotarajia kushindana katika Mshindano ya Mpira wa Miguu ya Kimataifa Nchini Ufaransa.

     WAZIRI wa Utamaduni Sanaa na Michezo Mhe. Dkt. Damas Ndumbaro amekutana na kufanya mazungumzo na viongozi wa Chama cha Maafisa Utamaduni na Sanaa Tanzania (CHAMUSTA) na kujadili masuala mbalimbali ikiwemo suala la kukabiliana na mmomonyoko wa maadili katika jamii, uboreshaji wa mazingira ya utendaji kazi ya maafisa utamaduni pamoja na ubidhaishaji wa urithi wa utamaduni kwa ajili ya utalii wa utamaduni, Malikale na michezo.

Viongozi na Wanamichezo mbali mbali wameshauriwa kuendelea kuweka jitihada kwenye kukuza Michezo kwa kuzisaidia Timu ili ziweze kujikwamua Kiuchumi.

Ushauri huo umetolewa na Meneja wa Taasisi Afrocare Phamasi, Grace Edgar wakati wakikabidhi vifaa vya Michezo kwa Timu ya Jamhuri FC,   amesema kudhamini wao utahakikisha Vijana Wanacheza Mpira wakiwa na Afya njema ili kuweza kufanya vizuri katika Michezo yao

Kocha Mkuu wa Timu hiyo, Ramadhani Abrahman Madundo amesema kukosekana kwa  udhamini kulichangia Timu yake kutokufanya vizuri kwenye Mashindano.

       Katibu Mtendaji Baraza la Michezo Zanzibar, Said Kassim amekutana na Mkurugenzi wa Taasisi ya Zanzibar Youth Basketball (ZYBA) Abdul Azizi Salim na kutoa Baraka za Mashindano ya ZYBA BASKETBALL 2024, yatakayoanza hivi karibuni.

     Viongozi wa Baraza wameipongeza ZYBA kwa kuweza kuandaa jambo kubwa na zuri lakini pia litakaloweza kuitangaza Zanzibar Kimichezo.

     Wizara ya Utamaduni, Sanaa na Michezo imeingia makubaliano ya ushirikiano na Wizara ya Michezo ya Ivory coast  katika masuala mbalimbali ya uendelezaji wa Sekta ya michezo.a