Michezo

MASHABIKI NA WAPENZI WAELEZA MATARAJIO YAO MCHEZO WA NGAO YA HISANI

Kuelekea Mchezo wa ngao ya hisani wa  PBZ Yamle Yamle Cup 2024 ambao utakwenda kuwakutanisha uso kwa uso   Mabingwa wa Michuano hiyo Mboriborini na Timu ya Mazombi, Mashabiki na Wapenzi wa Soka Visiwani Zanzibar  wamelezea matumaini yao kulekea Mchezo huo huku wakipongeza Maandalizi mazuri ya Msimu huu wa Sita wa Mwaga Maji.

HISPANIA YANYAKUA UBINGWA WA EURO 2024

    Hispania imenyakua ubingwa katika michuano ya EURO 2024 baada ya kuichapa England mabao 2 - 1.

   Mabao ya Hispania yamefungwa na Nico Williams 47' na Mikel Oyarzabal 86' huku goli pekee la England likifungwa na Cole Palmer 73'.

    Fainali hiyo imepigwa katika dimba la Olympiastadion huko Berlin, Ujerumani.

    Hii ni mara ya nne kwa Hispania kunyakua ubingwa katika michuano hiyo na EURO na England yenyewe haijawahi kuchukua ubingwa hata mara moja katika michuano hiyo.

MSIMU WA SITA WA YAMLE YAMLE CUP KUTOA ZAWADI KWA SHABIKI BORA

   Ikiwa bado zimebaki Siku chache  kuchezwa Mechi ya Ngao ya Hisani itakayo Mkutanisha Mabingwa wa Michuano hiyo Timu ya Mboriborini ambayo itakwenda kumenyana na Timu ya Mazombi Mchezo ambao utapigwa katika Dimba la Mau.

   Ikimbukwe kuwa Msimu wa Sita wa  PBZ Yamle Yamle Cup  ni Msimu wenye mafanikio mengi ikiwemo kushirikisha Timu  32 ikiwemo Timu Nane kutokea Visiwani Pemba .

UBINADAMU KAZI IMEIADHIBU MBORIBORINI KWA PENALT

Timu ya Ubinadamu Kazi imeibuka na Ushindi wa 4 – 2  baaada ya kuiadhibu Timu ya Mboriborini kwa Mikwaju wa Penalti katika Mchezo maalumu   kuadhimisho ya Siku ya kupambana na Rushwa.

Mchezo huo uliokuwa na Ushindani mkali kwa kila Timu kutaka kuibuka na Ushindi na hadi dakika 90 za Mchezo timu  hizo zilitoka Sare ya bila kufungana na Mikwaju Penalti ikachukua nafasi yake. 

Baada kumalizika kwa Mtanange huo baadhi ya Wachezaji wamesema kuwa ni muhimu wa Michezo na mapambano ya Rushwa. 

TIMU YA JKU IMEONDOKA LEO KUELEKEA KUSHIRIKI MICHUANO YA KAGAME CUP

    Wawakishi  wa Mashindano ya Kombe la Kagame Cup 2024  Zanzibar Timu ya JKU wameondoka Leo  kuelekea Jijini Dar-esaalam kwa ajili ya  Michuano hiyo.

    Kikosi hicho kilicho Jumuisha Wachezaji 25 na Viongozi 7  kimeahidi   kufanya  vizuri  na kuwakilisha vyema zanzibar.

    Katibu Mtendaji Baraza la Michezo Zanzibar  Said Kassim, amesema Zanzibar ina Matarajio makubwa na Timu  ya Jku  kutokana na ubora waliokuwa  nao hivi sasa.

KWEREKWE BINGWA MICHUANO YA FA WILAYA YA MAGHARIBI B

Timu ya Mwanakwerekwe Bingwa Michuano ya FA Wilaya ya Maghari B baada ya kuyadhibu Timu ya Fuoni kwa Bao 1-0 katika Mchezo wa Fainali ya Michuano hiyo.

Michuano hiyo iliyochezwa katika Dimba la Mau ambapo Timu ya  Kwerekwe iliyo Valia Jezi rangi Nyeusi walionesha ufundi wao wa kutafuta goli katika dakika za mapema na hadi  kipenga cha Mwisho cha muamuzi kupigwa Fuoni  ilishindwa kuonesha uhodari wake na kuamuru Ubingwa huo kwenda kwa Kwerekwe.

MICHEZO INA FURSA KUBWA YA KUKUZA IDADI YA AJIRA KWA VIJANA

   Mwenye kiti wa Umoja wa Vijana, CCM Tawi la Magomeni, Shabani Jaffar amesema Michezo ina fursa kubwa ya kupaa Ajira kwaharaka na kutimiza malengo.

   Kauli hiyo ameitoa wakati akikabidhi Mipira ya kuchezea kwa timu ya Azam Zanzibar, huko Uwanja wa Magomeni Mzalendo,ikiwa ni utekelezaji wa ahadi yake kwa Timu hiyo na ameahidi kuendelea kuwaunga mkono Vijana wenizwe kufikia malengo yao.

   Katibu wa Timu ya Azam Zanzibar, Mahmud Juma ameshukurujitihada hizo na amesema tatizo la ukosefu wa Mipira kwa Timu yao lilikua la Muda Mrefu.

JAMII YAKUMBUSHWA KUTUNZA AFYA KWA KUFANYA MAZOEZI

Jamii imekumbushwa kuendelea kufanya Mazowezi na kutunza Mazingira ili kuimarisha afya zao.

Akizungumza mara baada ya Matembezi ya Kilomita Sita na Bonaza la Mazowezi Mlezi wa Barafu Jonging Iddi Azan amesema kufanya Mazowezi ni muhimu kwa Afya na amewataka Vijana kuacha kutumia Vileo ambavyo vinaharibu Maisha yao.

Mkurugenzi wa huduma za kinga Wizara ya Afya Dkt. Ntuli Kapologwe amesema Wizara ya Afya inampango mkakati wa kuimarisha afya ya Jamii kwa kutumia Mabonaza ambayo yanashirikisha Jamii moja kwa moja.

JKU YATWAA UBINGWA WA PBZ PREMIUM LEAGUES

    JKU Sc wamekabidhiwa Kombe la Ubingwa wa Ligi Kuu Zanzibar 'PBZ Premier League' baada ya kumaliza msimu wakiwa na alama 66 juu ya Zimamoto wanaofuata katika nafasi ya pili wakiwa na alama 62.

    JKU wamezawadiwa Kombe, Medali na kitita cha Shilingi Milioni 50.

TIMU YA TAIFA YA KABADDI KUELEKEA KENYA MICHUANO YA KIMATAIFA

   Balozi wa India Nchini Dk. Kumar Praveen amesema ataendelea kuunga mkono Mchezo wa Kabaddi ili uweze kukuwa na kuipeperusha Bendera ya Zanzibar Kimataifa kupitia Mchezo huo wenye asili ya Kihindi. 

    Akizungumza katika Shamra shamra za Siku ya Yoga Kimataifa inayotarajiwa kuadhimishwa June 21 Balozi Kumar amesema Mazoezi na Michezo ni Afya na Ajira hivyo kuunga mkono juhudi za Vijana hao ni kuwasaidia kuwajenga Kiakili, Kiafya na kuwasogeza kufikia ndoto zao.

Subscribe to Michezo
 
The subscriber's email address.
Stay informed - subscribe to our newsletter.