Habari

AKAUNTI YA NMB PESA ISIYO NA MAKATO YAZINDULIWA KANDA YA KUSINI

    Benki ya NMB kanda ya kusini imezindua kampeni   ya kuhamasisha na kuwawezesha watu wengi kufungua akaunti ili waweze kunufaika na faida za kuwa sehemu ya mfumo rasmi wa fedha.

    Kampeni hiyo inayoitwa “NMB Pesa Haachwi Mtu” kwa kanda ya kusini imezinduliwa rasmi Mkoani Lindi katika viwanja vya shule ya Msingi Mnolela halmashauri ya Mtama kwa kufanya bonanza la michezo mbalimbali.

    Michezo hiyo ni pamoja na mpira wa miguu,  kukimbia na magunia , kukuna nazi , kunywa soda , mpira wa pete pamoja na mazoezi ya viungo. 

JUMUIYA YA VIJANA NI TEGEMEO KATIKA CHAMA CHA MAPINDUZI

     Katibu Mkuu wa Umoja wa Vijana UVCCM Jokate Mwegelo, amesema Jumuiya hiyo ni tegemeo katika Chama cha Mapinduzi hivyo atahakikisha inachangia kuleta ushindi katika Uchaguzi Mkuu wa 2025.

     Akizungumza na Vijana wa Chama cha Mapinduzi baada ya Mapokezi  yake ikiwa ni Ziara ya kwanza tokea ashike tena wadhifa huo,  Jokate amesema Vijana wana kazi wa kuimarisha Chama hivyo Serikali kwa kuthamini kundi hilo itaendelea kubuni mbinu za kuwawezesha kuzifikia fursa za kiuchumi.

SERIKALI KUANDAA MAFUNZO KWA MAAFISA MANUNUZI

     Maafisa Manunuzi wa Taasisi za Serikali wameishauri Serikali kuandaa Programu za Mafunzo kwa Watendaji ili kufikia lengo la utowaji wa huduma bora.

     Wakizungumza baada ya kumaliza Mafunzo ya Siku 5 juu ya kumtafuta Mshauri elekezi, wamesema kumekuwa na ongezeko la mahitaji ya huduma kutokana na mabadiliko ya Kidigitali, hivyo kupata mafunzo ni sehemu pekee ya kuimarisha utendaji.

WANAWAKE WAMETAKIWA KUJITOKEZA KATIKA FURSA MBALIMBALI ZINAZOTOKEA NCHINI

    Mke wa Raisi wa Zanzibar   na Mwenyekiti  wa Barazaaza  la  Mapinduzi  Mama Maryam Mwinyi   amewasisitiza Wanawake   kusimama  imara katika Nafasi  zao na kujiamini katika kufanya  Maswala mbali ya kimaendeleo  na kushiriki katika  fursa  zinazotokeya  Nchini.

WAUGUZI WATAKIWA KULETA MABADILIKO SEKTA AFYA

    Wauguzi Wanafunzi wametakiwa kuwajibika na kuhakikisha kuwa wanaleta  mabadiliko katika fani hiyo ili kuongeza hadhi na sifa za Wauguzi hasa kwa walioko kazini.

    Kauli hiyo imetolewa na Waziri wa Afya Zanzibar Nassor Ahmed Mazrui katika Mkutano Mkuu wa 18 na Kongamano la Kisayansi lilowashirikisha Wanafunzi Wauguzi kutoka Vyuo Vinane Tanzania Bara na Visiwani, amesema Wauguzi wanaweza kuleta mabadiliko katika huduma za Afya, hivyo ni vyema kuongeza nguvu katika kutoa huduma.

SHILINGI BILIONI 1 KUTUMIKA KWA AJILI YA KUSAFISHA MITARO

    Waziri wa Nchi Ofisi ya Rais Fedha na Mipango Dkt. Saada Mkuya Salum amesema Serikali imetenga Shilingi Bilioni Moja na Milioni Mia Mbili kwa ajili ya kusafisha Mitaro yote ya kupitishia Maji ya Mvua ili kuepusha kuathiri Makaazi ya Watu na Maeneo mengine.

    Akizungumza baada ya kukagua Bwawa la Mwantenga kwa Mtumwa Jeni amesema hatua hiyo itachukuliwa ili kuhakikisha hakuna madhara yanayotokea, hivyo Serikali inatafuta ufumbuzi wa kudumu katika Maeneo ya wazi ili kuondosha kasoro za mafuriko ya Mvua na athari yoyote isitokee kupitia Mradi wa Big-z.

TAASISI YA WASANIFU,WAHANDISI NA WAKADIRIAJI MAJENGO YAZINDULIWA

   Rais wa Zanzibar na Mwenyekiti wa Baraza la Mapinduzi Dk.Hussein Ali Mwinyi amesema Serikali inathamini mchango wa Fani za Wasanifu, Wahandisi na Wakadiriaji kwenye utekelezaji wa Mipango mikubwa ya Maendeleo hasa Miradi ya Ujenzi.

   Akizindua Taasisi ya Wasanifu, Wahandisi na Wakadiriaji Zanzibar huko Hoteli Verde, Mtoni amesema Serikali itaendelea kuwahusisha kikamilifu kwenye utekelezaji wa miradi mikubwa ya maendeleo kwa kuzingatia dhana ya ushirikishwaji wa Wataalamu Wazawa katika Miradi endelevu ya kimkakati ya uwekezaji Nchini.

FARAJA YAWAFIKIA WANAFUNZI WA SKULI YA SEKONDARI BWIRO

     Mradi wa kupunguza Umaskini unaotekelezwa na Tasaf, umekamilisha Ujenzi wa Bweni la Wasichana Zaidi ya 100 pamoja na Bwalo la Chakula katika Skuli ya Sekondari Bwiro.

    Mratibu wa Tasaf Wilaya ya Ukerewe Jenitha Byagalama amesema Ujenzi wa Bweni na Bwalo la Chakula kwa pamoja umegharimu Zaidi ya Shilingi Milioni 300 chini ya ufadhili wa Nchi zinazozalisha Mafuta Duniani.

VIFAA VYA KUSHUSHIA MAKONTENA VYAWASILI BANDARI YA MALINDI

    Shirika la Bandari Zanzibar limesema tayari wameshaanza kutatua matatizo yanayolikabili hasa kwenye sehemu ya kushusha mizigo.

    Akizungumza baada ya kupokea Vifaa vipya vya kubebea mizigo huko Malindi Mkurugenzi wa Shirika la Bandari Zanzibar Akif Khamis amesema Mashine hizo zitawezesha kutatua matatizo yanayolikabili Shirika hasa kwenye sehemu ya kuchusha mizigo.

     Amesema Vifaa hivyo vina uwezo mkubwa wa kushusha Makontena katika muda mdogo zaidi ukilinganisha na vilivyopo sasa.

MAFANIKIO MAKUBWA YAPATIKANA KATIKA IDARA YA UHAMIAJI NDANI YA MIAKA 60 YA MUUNGANO

     Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi amesema kukamilika kwa jengo la Ofisi ya Uhamiaji Mkoa wa Mjini Magharibi kutaongeza ari na kasi ya utoaji wa huduma za Uhamiaji katika Mkoa huo na Manispaa zake zote tatu .

     Rais Dk.Mwinyi amesema hayo alipoweka jiwe la Msingi jengo la Ofisi ya Uhamiaji Mkoa wa Mjini Magharibi Unguja tarehe 19 Aprili 2024 ikiwa ni shamrashamra za Miaka 60 ya Muungano wa Tanganyika na Zanzibar.

Subscribe to Habari
 
The subscriber's email address.
Stay informed - subscribe to our newsletter.