Mshambuliaji wa Australia David Warner ametangaza kustaafu kucheza kriketi ya kimataifa (ODI) kabla ya mechi yake ya mwisho ya Majaribio.
Mchezaji huyo mwenye umri wa miaka 37 hapo awali alitangaza kustaafu kucheza mchezo wa kriketi kabla ya mfululizo unaoendelea na Pakistan.
Alichukua jukumu muhimu katika kusaidia Australia kushinda Kombe la Dunia la Kriketi dhidi ya India mwaka jana.
Pia alisema kustaafu kutaunda fursa kwa wachezaji wapya na kumruhusu uhuru zaidi wa kucheza kriketi ya ng'ambo - Warner amekuwa sehemu ya Ligi Kuu ya India kwa misimu 14, na ana wafuasi wengi.
Lakini hakukataza kucheza katika Mashindano ya Mabingwa wa 2025 ikiwa ataitwa, Amecheza mechi 161 za ODI, akifunga mikimbio 6,932 na kuwa mfungaji bora wa sita katika historia ya ODI ya Australia.
Mnamo 2018, Warner - ambaye wakati huo alikuwa makamu wa nahodha wa Australia - alipigwa marufuku kucheza aina zote za kriketi ya kimataifa kwa mwaka mmoja kwa kuhusika kwake katika kashfa ya kuchezea mpira wa sandpapergate. Pia amepigwa marufuku kabisa kushikilia nafasi ya uongozi katika timu za kriketi za Australia.
Kriketi Australia - bodi inayosimamia mchezo nchini humo - ilisema Warner alikuwa amebuni mpango wa kubadilisha hali ya mpira kwa kutumia sandpaper wakati wa mechi na Afrika Kusini, na kisha kuagiza mchezaji mdogo kuutekeleza. Siku ya Jumatatu, aliviambia vyombo vya habari vya Australia kuwa hakuwa na majuto juu ya matendo yake.
Hili, pamoja na visa vingine kama vile ugomvi katika baa na mchezaji wa kriketi wa Uingereza Joe Root, vimemfanya kuwa mtu mgawanyiko kwenye jukwaa la kriketi.
Hapendezwi na mashabiki wengi wa kriketi wa Uingereza, huku mashabiki nchini Australia pia wameelezea kusikitishwa kwao na suala la kuchezea mpira. Hivi majuzi, mchezaji wa zamani wa Australia mwenye kasi Mitchell Johnson alihoji kwa nini Warner apate "send-off ya shujaa" katika mfululizo wake wa mwisho wa Majaribio.
Hata hivyo, mchango wa Warner kwenye mchezo huo hauwezi kupingwa, Yeye ni maarufu sana nchini India - sio tu kwa ustadi wake uwanjani, lakini pia kwa yaliyomo kwenye mitandao ya kijamii kwa wakati unaofaa, kama vile machapisho ambayo anachapisha dansi kutoka kwa filamu maarufu za India kusini.
