Wizara ya Elimu na Mafunzo ya Amali imesema ujio wa Wageni kutoka Chuo cha Hunan  Nchini China kutaendeleza Ushirikiano wa Kielimu  Zanzibar

Waziri wa Elimu na Mafunzo ya Amali Mh Leila Muhammed Mussa amesema hayo Ofisini  kwake Mazizini wakati alipokuwa akizungumza na Wageni kutoka Chuo Kikuu cha Khunan Nchini China.

Amesema mambo mbali mbali wamekubaliana nao ikiwa ni pamoja kueka ushirikiano Mzuri katika mazingira ya Elimu kwa Wanafunzi wa Maandalizi, Secondari na Chuo Vikuu mbali mbali vilivyopo  Nchini

Waziri wa Elimu na Mafunzo ya Amali Zanzibar, Mhe Leila Mohamed Mussa amesema Serikali imekusudia kuzalisha Walimu wenye viwango kupitia ufundi na Mafunzo ya Amali. 

Waziri Lela ametoa Kauli hiyo, katika utiaji Saini kati ya Taasisi ya Sayansi na Ufundi (KARUME) na Mamlaka ya Elimu na Ufundi Stadi (VETA) kwa lengo la kukuza na kuzalisha Walimu wapya wenye uwezo wa kufundisha ufundi na Mafuzo ya Amali.

Mh: Lela amezipongeza Taasisi zote mbili na amesema hatua hiyo itasaidia kukuza umoja na ushirikiano kati ya Bara na Visiwani.

Waziri wa Elimu na Mafunzo ya Amali Zanzibar Mhe. Lela Mohamed Mussa amewataka Wanafunzi wa Skuli ya Ufundi Kengeja kuitunza na kulinda vyema Miundo mbinu ya Skuli hiyo ili iweze kudumu kwa muda mrefu.

Akikabidhi Eneo la Ujenzi wa Daghalia kwa Kampuni ya Ujenzi ya United Ramp kufuatia kuungua Moto kwa Bweni la Wanaume la Skuli hiyo Waziri lela amesema Serikali kupitia Wizara ya Elimu imetenga Fedha kwa ajili ya kujenga upya Daghalia hiyo hivyo amewataka Wanafinzi hao kuthamini Miundo mbinu hiyo kwa Maslahi yao na Vizazi vijavyo.