Kijana Mahmoud Kassim kutoka Zanzibar Mwenye Umri wa Miaka 20 ameibuka Mshindi wa Kwanza wa Mashindano ya Kuhifadhi Qur-an Afrika Mashariki na kuzawadiwa Fedha Taslim sShiling Milioni Thelathini za Kitanzania.

    Makamo wa Pili wa Rais wa Zanzibar Alhajj Hemed Suleiman Abdulla amesema Mashindano ya Kuhifadhisha  Qur-an  yana mchango mkubwa katika kuwajenga Vijana Kimaadili, fikra na nidhamu pamoja na kumjua Mwenyezi Mungu.

     Ameyasema hayo katika Uzinduzi wa Mashindano ya Kimataifa  ya Qur-an Tukufu uliofanyika katika Ukumbi wa Madinatul Bahar Mbweni Jijini Zanzibar.

    Afisa Utawala wa Shirika la Utangazaji Zanziabr ZBC Ndg.Salum Jecha amesema Shirika hilo limejipanga kuimarisha vipindi vyake vya  matangazo ya Redio na televisheni  katika Mikoa yote yaTanzania ili kuendeana na kasi ya mabadiliko ya Dunia.

    Akizungumza mara baada ya kumalizika Mafunzo ya Wafanyakazi wa ZBC Afisa huyo amesema  ZBC itahakikisha inatumia rasilimali zake ili kuendana na kasi ya Dunia katika Tathnia ya habari kwa kutoa  Mafunzo kwa Wafanyakazi wa Shirika hilo ili kuendana na Teknolojia ya Habari.

  Mwakilishi wa jimbo la Kikwajuni Mhe. Nassor Salim Jazira alipongeza Shirka la Utangazaji Zanzibar ( ZBC) kwa kitendo chake cha kutangaza kutoa huduma ya Matangazo ya vifo bure bila ya gharama yeyote kwa kipindi chote cha mfungo wa mwezi mtuku wa Ramadhani.

  Sifa hizo amezitoa leo katika ukumbi wa Baraza la wawakilishi  huko Chukwani wakati wa kikao kikiendelea.

    Shirika la Utangazaji Zanzibar ZBC limetiliana Saini na Shirika la Posta Tanzania ili kushirikiana katika kutowa  huduma kwa Jamii.

Utiaji Saini huo uliofanyika katika Ukumbi wa  Shirika la Utangazaji Zanzibar ZBC, uliowashirikisha Watendaji na Viongozi wa Shirika la ZBC  na  Shirika la Posta.

     Mkurugenzi wa Shirika la Utangazaji Zanzibar ZBC Ndg.  Ramadhan Bukini amewahimiza Watendaji wa Shirika hilo kuongeza juhudi na ufanisi katika kazi ili kuyalinda mafanikio yaliyopatikana.

     Akizungumza katika hafla ya kugawa tuzo kwa vipindi na Watangazaji bora pamoja na kuwapongeza Wafanyakazi bora wa Shirika la Utangazaji kwa Mwaka 2023/2024 amesema mafanikio yaliyopatikana yanatokana na ushirikiano wa pamoja wa Idara zote za ZBC na kwamba kuna haja ya kuyaendeleza ili kulinda mafanikio hayo.