Wakati huo huo Rais wa Zanzibar na Mwenyekiti wa Baraza la Mapinduzi, Msarifu wa Taasisi ya Benjamin William Mkapa, Dkt. Hussein Ali Mwinyi amesema Serikali ya Mapinduzi ya Zanzibar imefanikiwa kuajiri Watumishi wapya Elfu Moja na 50 na Ujenzi wa Hospitali 10 za Wilaya Unguja na Pemba, Hospitali ya mkoa, Lumumba yenye uwezo wa kulaza wagonjwa 208 kwa wakati Mmoja.
Akizungumza katika katika Kilele cha Kumbukizi ya tatu ya Hayati Benjamin William Mkapa. Dkt. Mwinyi amesema Serikali pia imeendelea kuimarisha mazingira ya kazi ya Watumishi kada ya afya kwa kuwajengea jumla ya nyumba 80 Unguja na Pemba ambazo zimegharimu Shilingi Bilioni 20 huku akimpongeza rais samia kwa juhudi zake za kutatua upungufu wa nguvu kazi ya sekta ya Afya kwa kuongeza udahili wa Wanafunzi wanaosomea kada ya Afya na kutoa fursa za Ajira za watumishi katika Sekta hiyo.
