Rais wa Zanzibar na Mwenyekiti wa Baraza la Mapinduzi Dkt. Hussein Ali Mwinyi amesema amefarajika kuona Jumuiya Veteran Young Pioneers Zanzibar inapongeza utekelezaji mzuri wa ilani ya uchaguzi ya CCM katika kipindi cha Miaka Mitatu.
Akizungumza na Maveterani hao Ikulu Jijini Zanzibar amesema pongezi hizo zitakua chachu ya kuongeza kasi katika utekelezaji wa miradi mbali mbali ya maendeleo.
Aidha Dkt. Mwinyi ameipongeza Jumuiya hiyo kwa kuendeleza Majukumu yao ya kujitolea, kuwafundisha Vijana Uzalendo, ukakamavu na itikadi ya Chama.
Mwenyekiti wa Jumuiya hiyo Khamis Rajab Mnubi amemshukuru Dk. Mwinyi kwa kazi nzuri anazozifanya pamoja na kutekeleza vyema ahadi alizozitoa.
Wakati huo huo Dkt. Mwinyi amekutana na Makamu Askofu Mkuu wa Kanisa la Kilutheri Afrika Mashariki Dkt. Philemon Mollel na ujumbe wake waliofika Ikulu Zanzibar kujitambulisha, Dk. Mwinyi amesema Serikali inatambua mchango unaotolewa na Madhehebu ya Dini zote ikiwemo kuhubiri Amani na utulivu katika kuleta umoja Nchini.
Askofu mollel amempongeza Dkt. Mwinyi kwa kuleta mabadiliko ya maendeleo na kuwaunganisha Wananchi bila ya kujali itikadi za Chama, Kabila wala Dini.
