Baraza la Manispaa Magharibi ‘a’ limewasisitiza Wafanyabiashara kudumisha usafi katika sehemu zao za Biashara ili kuepukana na Magonjwa ikiwemo KipinduPindu.
Akizungumza mara baada ya kazi ya Usafi wa mazingira na utoaji wa elimu kwa Wananchi hao huko Kwanyanya Mkurugenzi wa Baraza hilo Said Hasoun Amesema Baraza la Manispaa halitomfumbia macho Mtu yoyote atakaeshindwa kudumisha Usafi na kufuata miongozo ya Kiafya iliyopo Kisheria.
Afisa Afya na Mazingira Baraza la Manispaa Magharibi ‘a’ Hadia Makame Juma amesema wameweka Mikakati ya kupita katika Maduka na Makaazi ya Watu kila baada ya muda ili kudhibiti uchafuzi wa mazingira unaojitokeza na kuhatarisha Afya zao.
Nao baadhi ya Wafanyabiashara Wamepongeza juhudi za Baraza hilo kuwachukulia hatua wanaochafua mazingira na kushindwa kudumisha usafi.
