Rais wa Zanzibar na Mwenyekiti wa Baraza la Mapinduzi, Dk. Hussein Ali Mwinyi amepokea salamu za pole kutoka kwa Mwenyekiti wa Jumuiya ya Wamasai wanaoishi Zanzibar Ndg.Ereto Thomas Makau Lepachu na Ujumbe wake kufuatia Kifo cha Hayati Mzee Ali Hassan Mwinyi.
Mwenyekiti Thomas amesema wameleta rambi rambi ya Mbuzi na Kondoo kufuatia kuguswa na Msiba mkubwa uliompata Rais Dkt.Mwinyi.
Rais Dk. Hussein Ali Mwinyi amesema amepokea salamu hizo kwa upendo na pamoja na ubani waliotoa na wamefarajika na kuona hawapo peke yao katika kipindi chote cha Msiba.
Jumuiya hiyo imefika kutoa Mkono wa pole kufuatia Kifo cha Baba Mzazi wa Rais wa Zanzibar na Mwenyekiti wa Baraza la Mapinduzi ,na pia alikuwa Rais Mstaafu wa Zanzibar na Rais wa Jamhuri ya Muungano wa Tanzania Hayati Mzee Ali Hassan Mwinyi aliefariki Februari 29 Jijini Dar es salaam na kuzikwa March 2 Mangapwani, Mkoa wa Kaskazini Unguja.
