Katibu Mkuu wa Umoja wa Wanawake wa Chama cha Mapinduzi (CCM) Jokate Mwegelo amewataka Wanawake Nchini kujitokeza Kugombea Nafasi mbalimbali katika Uchaguzi wa Serikali za Mitaa 2024na ule Mkuu wa Mwaka 2025.
Mhe.Jokate ametoa kauli hiyo wakati akizungumza na Waandishi wa Habari pamoja na Wanawake wa Mkoa wa Dar-es-salaam ikiwa ni sehemu ya kuelekea maadhimisho ya Siku ya Wanawake Duniani ambapo amewataka Wananwake kujitokeza kushiriki katika maadhimisho hayo.
Amesema kwa upande wa Chama cha Mapinduzi kitahakikisha kinawaunga mkono Wanawake watakaojitokeza kugombea huku akiwataka Wanawake kupendana.
Pia katika hafla hiyo Jokate alizindua Wimbo maalumu kwa ajili ya Rais wa Jamhuri ya Muungano wa Tanzania Dkt.Samia Suluhu Hassan ulioimbwa na kundi la Wasanii Wanawake.
