DKT.SAMIA SULUHU HASSAN ANATARAJIA KUFANYA ZIARA YA KIKAZI MOROGORO

    Rais wa Jamhuri ya Muungano wa Tanzania Dkt.Samia Suluhu Hassan anatarajia kufanya Ziara ya Kikazi ya Siku Sita kuanza Agosti Mbili hadi Agosti Saba Mwaka huu Mkoani Morogoro na kukagua Miradi mbalimbali ya Maendeleo ikiwemo Miradi ya inayotekelezwa na Tanroads na Tarura pamoja na Uzinduzi wa Kiwanda cha Mkulazi kilichopo Wilaya Kilosa Mkoani humo.

    Akizungumza na Waandishi wa Habari Mkoani hapa Mkuu wa Mkoa wa Morogoro Bw.Adam Kighoma Malima amesema Ziara hiyo ya Mheshimiwa Rais wa Jamuhuri wa Muungano wa Tanzania Dkt.Samia Suluhu Hassan Atatembelea na Kuzindua Miradi 14 inayotekelezwa na Serikali.

    Katika hatua nyingine Mkuu wa Mkoa wa Morogoro Bw.Adam Kighoma Malima Akazungumzia Maonesho ya Nane Nane Kanda ya Mashariki ambayo ambayo yanashirikisha Mikoa ya Pwani, Morogoro, Tanga na Dar-eslaam.