Jeshi la Polisi kikosi cha kuzuia wizi wa Mifugo kimesema hakuna sheria inayomruhusu mtu yoyote kujichukulia sheria Mkononi huku likibainisha kuwa tayari linayomajina ya watu waliojichukulia sheria Mkononi na kubomoa nyumba na kuchukua mifugo ya wakazi wa Engikaret Wilaya ya Longido Mkoa wa Arusha.

     Jeshi la Polisi nchini limetoa onyo kwa baadhi ya wananchi ambao wamekuwa na tabia ya kukimbilia katika maeneo zinapotokea ajali huku wakiwa na lengo la kuwaibia waathirika wa ajali hizo na wakati mwingine kufanya uharibifu.

     Akitoa taarifa hiyo Msemaji wa Jeshi la Polisi,Nchini Naibu Kamishna wa Polisi DCP David Misime amesema jamii inapaswa kuachana na tabia na vitendo hivyo ambavyo ni hatarishi kwa maisha na mali ambazo zimekuwa zikihusika katika ajali hizo.