Wakazi wa Mkoa wa Mwanza wameiomba Serikali kuimarisha Mifumo ya Uokoaji inayotumiwa na Jeshi la Zimamoto na uokoaji ili kupunguza Vifo vitokanavyo na Majanga ya Watu kuzama Maji yanayotokea katika Ziwa Victoria.

Baadhi ya Wakazi wa Jiji la Mwanza wameyasema hayo wakati Jeshi la Zimamoto na uokoaji likitoa Mafunzo ya kuwajengea uwezo Wavuvi katika kukabiliana na Majanga ya Moto ndani ya Maji.