Wizara ya Afya Zanzibar imeitaka Kampuni ya Simu ya Mkononi Tigo Zantel na Laina Finance Limited kuhakikisha wanafuata misingi ya faida inayozingatia Ubinaadamu na sio kukomoa Wananchi katika huduma ya pata dawa.

Naibu Waziri wa Afya Mhe Hassan Khamis Hafidh, ameeleza hayo alipozindua huduma ya PATA DAWA kupitia Simu ya Mkononi Tigo Zantel kwa kushirikiana Laina Finance Limited huko Golden Tulip Uwanja wa Ndege.

Amesema huduma hiyo ni muhimu kwa maisha ya Watanzania kwani Wananchi wengi ni wangonge hivyo ni muhimu kuwasaidia katika mambo mbalimbali.

Naibu Waziri wa Afya Zanzibar Mhe Hassan Khamis Hafidha amesema hali ya Vifo vya Mama na Watoto imekuwa tatizo  Nchini kutokana na ukosefu wa Damu kwa Mama Mjamzito wakati wa kujifungua na kutohudhuria Kilini kwa wakati.

Akizungumza katika Mkutano maalum wa kutathimini Vifo vya Mama Wajawazito kati ya Wizara na Watendaji mbali mbali wa ndani na Nje ya Nchi Naibu Hafidhi amewataka kina Mama hao kutumia Lishe  bora ili kuwa na kiwango sahihi cha Damu ambacho kitaweza kumsaidia wakati wa kujiifungua.