KAMISHENI YA WAKFU YALALAMIKIWA UCHELEWESHAJI WA UGAWAJI WA MIRATHI

     Familia ya Juma Issa Noura imeilalamikia Kamisheni ya Wakfu na Mali ya Amana Zanzibar kwa kile Wanachodai kukwamishwa kwa Mpango wa ugawaji wa Mirathi inayotokana na mali zilizoachwa na Baba yao. 

    ZBC imezungumza na Mussa Juma Issa ambae ni Mtoto kati ya Watoto Watano wa Marehemu Juma Issa Noura ambae ni msimamizi wa Mirathi hiyo yenye Jarada Namba Nne Mwaka 2009 

    Amesema kwa Muda Mrefu kumekuwa na sintofahamu ya kupata Mirathi yao ikiwemo Maeneo ya Ardhi yaliyopo Jambiani na Makunduchi licha ya kufungua Madai ya Mirathi katika Ofisi ya Kamisheni ya Wakfu na Mali ya Amana 

    Kufuatia Malalamiko hayo ZBC imemtafuta  Katibu Mtendaji wa Kamisheni ya Wakfu na Mali ya Amana Zanzibar Ndg.Abdallah Twalib Abdallah ili kupata ufafanuzi wa jambo hilo ambapo ameeleza kuwa kukwama kwa Mchakato wa Mirathi unatokana na Warithi kushindwa kuthibitisha uhalali wa Mali wanazodai kuachwa na Baba yao

      Hadi ZBC inaripoti Taarifa hii tayari Baadhi ya Maeneo yanayodaiwa kumilikiwa na Marehemu Juma Issa Noura yameanza Ujenzi hali inayoleta ukakasi kwa Warithi