Jumla ya Shilingi Bilion 13 zimetolewa na Serikali katika kuongeza Miondombinu ya Hospitali ya Rufaa ya Kumbukumbu ya Mwl. Nyerere iliyopo Mkoa wa Mara ikiwa ni pamoja na ujenzi wa Wodi mpya ya kisasa ya Watoto.

Hayo yamebainishwa na Waziri wa Afya Ummy Mwalimu wakati alipotembelea Hospitali hiyo na kukagua Miundombinu iliyopo ambapo alibainisha Fedha hizo zilizotolewa na Serikali katika kuimarisha Miundombinu ya Majengo, Umeme na Wodi ya Watoto Wachanga.