Wizara ya Ujenzi, Mawasiliano na Uchukuzi imesema Ujenzi wa Bandari Jumuishi ya Mangapwani utahusisha Bandari za kisasa, Miundombinu na maeneo ya uwekezaji.

Akisoma taarifa ya utekelezaji wa Mradi wa Ujenzi huo mbele ya kamati ya Bajeti Waziri wa ujenzi, mawasiliano na uchukuzi Dkt. Khalid Salim Mohamed amesema ujenzi huo utajumuisha Bandari ya mizigo mchanganyiko, Bandari ya Mafuta na Gesi, eneo la kuwekea Makontena, kuhifadhia Mizigo, Barabara, Viwanda, Makaazi, Elimu, michezo na maeneo mengine.