Makamo Mwenyekiti wa CCM ZAnzibar Dkt, Hussein Ali Mwinyi amewanasihi Wanachama wa CCM kutoyumbishwa na maneno ya Wapinzani na badala yake kuwa kitu kimoja ili kuleta ushindi wa Chama hicho.
Ametoa tamko hilo wakati akizungumza na Wajumbe wa kamati za Siasa ngazi mbali mbali za Mkoa wa mkoa wa Kaskazini Unguja.
Amesema Ubaguzi ni jambo baya na amekemea kutorudia katika siasa zinazoashiria Uvunjifu wa Amani, chuki na vurugu za kisiasa.
Makamu Mwenyekiti wa CCM ambae pia ni Rais wa Zanzibar amesema hatawavumilia wavunjifu wa amani katika nchi inayotaka maendeleo.
Akizungumzia miradi ya Maendeleo amesema Serikali imekuja na Ubunifu unaolenga kuwaondoshea kero Wananchi na kuendeleza mpango wa Ujenzi wa Miradi ya maendeleo.
Mwenyekiti wa CCM wa Mkoa wa Kaskazini Unguja Ali Ame amempongeza utekelezaji wa ilani ya CCM ambao umeleta maendeleo makubwa katika nyanja za Elimu, Barabara , Maji na Afya .
Mkuu wa Mkoa wa Kaskazini Unguja Rashid Hadidi amesema maendeleo yaliomo katika Mkoa huo hivi sasa yanaonesha dhamira ya Rais Mwinyi ya kuwatumikia Wananchi bila kujali itikadi zao.
Naibu Katibu Mkuu wa CCM Zanzibar Mohammed Said Dimwa amewatahadharisha Wanachama wa ccm kutosikiliza Propaganda za Wapinzani ambazo hazina tija kwa Maendeleo ya Nchi.
