Wachezaji wa Mchezo wa Kabaddi wametoa wito kwa Jamii kuunga Mkono Mchezo huo ambao umekuwa na fursa mbalimbali sawa na michezo mengine ikiwemo kushiriki Mashindano nje ya Nchi.
Wakuzungumza baada ya Mechi ya kirafiki kati ya timu ya Kike na Kiume ya Lumumba na Kidimni Wachezaji hao wamesema jambo linalowavunja Moyo ni kuona mchezo huo haupewi thamani kama Michezo mengine.
Kocha wa Mchezo huo Tamal Hassan Mahakki amesema ameamuwa kujitoa kufundisha mchezo huo nje ya Wilaya ya Mjini ili Vijana wa maeneo mengine nao waweze kunufaika.
Akizungumza Mchezo wa kabaddi kwa upande wa Wanawake Khadija majaliwa Juma amesema wanawake nao wanaweza kushiriki na kufanya vizuri katika Mchezo huo.
Sheha wa Shehia ya Kidimni bishara Saleh Haji amesema amehamasika na Mchezo huo na kuahidi kuwahamasisha na wengine kuunga mkono.
Katika Mechi hiyo ya Kirafiki timu ya Lumumba kike na Kiume ziliibuka na ushindi dhidi ya Timu za kidimni ambapo Zawadi zilitolewa kwa Mchezaji, Refa na Mlinzi bora.
