Rais wa Jamhuri ya Muungano wa Tanzania Dr. Samia Suluhu Hassan amewashukuru Wanawake wa Zanzibar kwa mashirikiano yao katika kumjali na kumuombea Dua ambayo kwake ni zawadi kubwa inayompa faraja.
Dr. Samia ametoa shukran hizo huko katika Ukumbi wa Viwanja vya kufurahishia Watoto Tibirinzi Chake Chake wakati alipokuwa akizungumza na Wanawake katika Dua maalum iliyoandaliwa kwa ajili yake.
Amesema mbali ya kumpa faraja na kujihisi kwamba yuko pamoja na Wanawake wenziwe lakini pia inampa nguvu kubwa katika utekelezaji wa majukumu yake ya kuwatumikia Watanzania.
Aidha Dr. Samia amemuomba Mwenyezi Mungu azikubali Ibada zote za Wanawake hao ili waweze kupata ujira mkubwa mbele ya Allah
Akitoa shukran kwa niaba ya Wanawake wa Mikoa Miwili ya Pemba Mkuu wa Mkoa wa Kaskazini Pemba Mh.e.Salama Mbarouk Khatib amemshukuru Dr. Samia kwa kukubali kuungana nao katika Dua hio huku akiwataka Wanawake wa Zanzibar kuendelea kumuombea Dr. Samia ili aweze kupata wepesi wa kutekeleza majukumu yake.
Pamoja na Dua hio Rais wa Jamhuri ya Muungano wa Tanzania Dr. Samia Suluhu Hassan aliandaa futari ya pamoja na Wananchi wa Mikoa Miwili ya Pemba huko Ikulu Chake Chake.
