Mkuu wa Mkoa wa Kusini Unguja Ayoub Mohammed Mahamoud ameitaka Kamati ya Sherehe za Kijadi za Mwaka Kogwa kuzitangaza Sherehe hizo Kimataifa ili zilete tija kwao na kwa Taifa.
Akizungumza na Wazee wa Kamati ya Mwaka Kogwa Makunduchi Mkuu huyo wa Mkoa amesema Tamasha hilo la muda mrefu lakini halijatangazwa kama yalivyo Matamasha mengine Duniani.
Amesema kuendesha Tamasha la Mwaka Kogwa kimazowea halitawaletea tija hivyo ameitaka Kamati hiyo kuleta Mageuzi pamoja na kujifunza kwa Mataifa mengine ili kuhakikisha linakuwa kivutio zaidi kwa Wageni.
Mwenyekiti wa Kamati hiyo Ndg.Mwita Masemo ameiomba Idara ya Makumbusho na Mambo ya kale kuangalia uhalisia wa jiwe lenye kusadikiwa kuwa na muonekano wa Ramani ya bara la Afrika ili liweze kuwa ni sehemu ya Kivutio cha Utalii.
