Waziri wa Nchi Ofisi ya Makamu wa Rais (Muungano na Mazingira) Mhe. Dkt. Selemani Jafo, ametoa Siku 14 kwa Ofisi ya Madini Mkoa wa Dodoma, Jiji la Dodoma pamoja na Baraza la Taifa la uhifadhi wa Mazingira (NEMC) kufanya tathimini ya uharibifu wa mazingira unaotokana na shughuli za uchimbaji kokoto na kifusi katikati ya Jiji kinyume na Sheria ya mazingira.
Waziri Jafo ametoa maagizo hayo Jijini Dodoma mara baada ya kufanya Ziara ya kukagua shughuli za uchimbaji madini ya Ujenzi aina ya kokoto na Kifusi katika eneo la Iyumbu na Njedengwa.
Kwa upande Diwani wa Kata ya Iyumbu Mhe.Sutuchi Richard amewaomba Wataalamu wa Mazingira kushirikiana na Viongozi wa Serikali za Mitaa.
Baadhi ya Wananchi wa Kata ya Iyumbu wameiomba Serikali kuangalia namna nzuri ya kutatua tatizo hilo kwa masilahi ya pande zote.
