KAMATI MAWASILIANO YAFURAHISHWA NA UFANISI WA TCCA

    Kamati ya Mawasiliano Ardhi na  Nishati ya Baraza la Wawakilshi imesifu hatua iliyofikiwa katika uendeshaji na usimamzi wa Viwanja vya Ndege Tanzania Bara na Zanzibar kwa kuimarika usalama  wa Usafiri wa  Anga Nchini.

     Akizungumza walipotembelea Mamlaka ya Usafiri wa Anga Tanzania wakiongozana na Watendaji wa Mamalaka ya Viwanja vya Ndege Zanzibar Mwenyekiti wa Kamati hiyo Mhe Yahya Rashid Abdallah amesema usalama wa Anga unatakiwa kupewa kipaumbele  ili kuiwezesha Anga kuwa salama na kuleta tija.

    Kaimu Mkurugenzi Mamlaka ya Usafiri Tanzania TCAA Daniel Malanga amesema wanaendelea kuimarisha miundombinu kwa mustakabali wa maendeleo ya Usafiri na usafirishaji kwa njia ya Anga ili kuweza kudhibiti usalama .

   Kamati ya Mawasiliano Ardhi na Nishati ya Baraza la Wawakilishi ipo Tanzania Bara kwa ajili ya shughuli za kawaida za Kamati hiyo.