Katibu Mkuu wa Jumuiya ya Muzdalifa Farouk Hamad amesema ameshauri Taasisi za Kijamii kushirikiana na kuwa na malengo ya pamoja katika kuifikia Jamii.
Akikabidhi Msaada wa vitu mbambi mbali kwa Masheha na Yatima katibu Farouk amesema malengo ya pamoja yataisaidia Serikali katika kukuza ustawi wa Jamii
Amesema hayo wakati akikabidhi Msaada huo na kuipongeza Serikali kwa kuendelea kuwapunguzia ushuru katika mambo yanayohusu Jamii.
Afisa Zaka na Misaada Shehe Dau Silima Ali amesema kuwa kuisaidia jamii kunarahisisha na kupunguza ugumu wa Maisha Watu wanaoishi katika mazingira magumu.
Amesema Serikali itaendelea kuzingatia njia bora zaidi za kuendelea kupunguza gharama katika kuwapatia huduma Wananchi wake.
Sheha wa Shehiya ya Mkele akitoa shukrani baada ya Wananchi kupata Msaada huo ameziomba Taasisi nyengine kuiga mfano huo na kutoa kwa ajili ya Allah.
Msaada uliotolewa ni Maboksi ya nguo, Viatu na Vifaa vya Skuli kwa Wanafunzi wa Skuli ya Nyerere Sekondari.
