Makamu Mwenyekiti wa CCM Zanzibar, na Rais wa Zanzibar na Mwenyekiti wa Baraza la Mapinduzi, Dk. Hussein Ali Mwinyi Amepokea salamu za pole kwa Wajumbe wa Kamati Kuu ya Halmashauri Kuu ya CCM Taifa wa Zanzibar wakiongozwa na Ndg. Mohamed Aboud Mohamed waliofika Ikulu Mnazi Mmoja.
Wajumbe hao wa Kamati Kuu ya CCM Zanzibar wamesema Msiba huu ni wa wote kwani Marehemu alikuwa amewafundisha wengi mazuri kwa Taifa.
Rais Dk.Mwinyi amesema amepokea salamu hizo za pole na upendo na anawashukuru yeye na Familia kwa kufika kuwafariji.
Wakati huo huo Rais Dk.Mwinyi amepokea salamu za pole kutoka kwa Wajumbe wa Kamati ya Utekelezaji ya Umoja wa Wanawake Tanzania (UWT) wakiongozwa na Mwenyekiti wa UWT Tanzania Mary Chatanda na Makamo wake Bi.Zainab Shomari.
